'Ami sa manu, piseddu caru,
ca ti che leo a caddu,
in d'una nue misteriosa
fatta de pratta de oro;
e in mesu a su mare t'appo a portare,
cun d'una barchitta,
a forma de nughe, pro bider sa lughe,
in cara a s'orizzonte.

E in cuccuru a unu monte t'appo a isettare
pro abbadiare su mundu paris
e foeddare in ghiru a s'anima.
Beni Tattanu, sezzidi in coa
e no timas prusu, coro,
dromidi como in brazzu a babbu tou.

Beni pizzinnu ca t'accumpanzo
inue bada unu bezzu
sezzidu in fora, beninde de attesu
che una rocca antiga
e in cussos ogos frimos chena peccadu
asa connoscher su mundu, e gai
e gai torrare in brazzu a babbu tou.

E goi e gai pausa lebiu in su ninnare
E goi e gai assentau in su ninnare e goi e gai.

In custu tempu corsaru e lestu,
ca no lassù iscampu,
connosco zente bettande suore,
gherrandesi a vida;
e impari a custa zente as'abbarrare
e asa conoscher passenzia e dolu
e isperanzia in s'ora 'e sa pelea.

E goi e gai as'andare e asa torrare
E goi e gai asa narre e asa iscultare e goi e gai
Drommi drommi fizzigheddu anninnia...

'Ami sa manu, piseddu caru,
ca sa vida es' custa
e cun attenzione, comente un'istrada
toccada a la passare,
e cando ad'esse'asttonzu t'appo a isettare
pro abbadiare su mundu paris
e foeddare in s'oru e s'anima.

Torramo a domo, Tattanu caru,
e no timas prisi, coro,
drommidi lebiu in brazzu a babbu tou.

E goi e gai assentau in su ninnare
E goi e gai pausau in su ninnare
E goi e gai, e goi e gai.